French Cup Paris Saint-Germain-in final an lut

29th January, 2016

Champion lai Paris Saint-Germain chuan a zawna French Cup nomawi chawi thei turin an dinhmun an siam ṭha leh tawh a, Nilaini zan khan semifinal-ah Toulouse chu 2-0 in an hneh.

PSG khelmual Parc des Princes-a inkhelah hian Argentina international pahnih Ezequiel Lavezzi leh Angel Di Maria te chuan goal an khung.

PSG manager Laurent Blanc chuan, "David Luiz hliam khan kan rilru a ti buai deuh a, mahse na tak a nih loh kan beisei. A pumpui khaikhawm nan chuan kan khel
ṭha a, inelna hrang hrangah a zawna match 12 hnehna kan chang thei a nih chuan kan boruak ṭhat dan tur chu a hriatthiam theih awm e," tiin a sawi.

Thawhlehni zan khan semi-final hmasa zawk khelh a lo ni tawh a, Lille chuan 5-1 in Bor-deaux an lo hneh tawh. April 23 khian final hi khelh a ni ang.