China lamah Fredy Guarin a kal

January transfer-ah Chinese Super League hoin thawm an neih len chhunzawm zel a, Shanghai Shenhua chuan Inter Milan mid-fielder Fredy Guarin an la lut ve leh ta.

Colombia international hian Nilaini khan Chinese club-ah hian contract a ziak a, a man zat puanzar ni lo mah se kum khatah dollar maktaduai 12 vel a hlawh dawn nia sawi a ni.

Shanghai Shenhua mnanager Gregorio Manzano chuan, "Kan club tana Fredy Guarin-a rawn khel tur hi kan lawm a, phur tak leh hlim takin kan club a rawn zawm dawn a ni," a ti.

Guarin hian tun season-ah Roberto Mancini enkawlna hnuaiah match 16 chiah a khel a, Geoffrey Kondogbia leh Marcelo Brozovic-te an awm avangin Serie A club-ah hian hmun a chang meuh lo a ni.