Mizoram-in West Bengal an hneh

Nimin khan Mizoramin Sports Stadium Chabbewal, Punjab-ah West Bengal chu 2-0 in an hneh a, champion lai tan hian K. Roluahpuia (Khaw-ruhlian) leh Lalbiaknia (Chite Veng) ten goal an khung.

50th Junior National Football Championship for BC Roy Trophy-ah Mizoram awmna group-a awm tur Meghalaya leh Karnataka te an inhnuhdawh avangin West Bengal nen chiah an awm a, state inkhelh thiam pahnihte hi semifinal luh inchuhin vawi hnih an inhmachhawn dawn.

January 30 hian JCT Sports Complex, Chohal-ah second leg an khelh a ni dawn a, Mizoram hi goal khata an chak lo a nih pawhin semifinal an lut tho ang.

Mizoram coach Lalrem-tluanga chuan, "West Bengal-in inkhelh ṭantirhah min nawr na em em a, minute 7-na lekah kan right back Joseph-a ball pet chhuah chu Roluahpuia'n goal-ah a chantir hlauh a, kan vannei phah ta a ni. Semifinal lut turin kan dinhmun a ṭha a, chak chiang sa erawh kan la ni lo," tiin a sawi.

Mizoram manager Lal-chhuan-awma Pautu chuan, "In-khelh ṭan tirh lamah kan player-te'n beisei an pha lo a, minute 90 thlir erawh chuan a lungawi thlak khawp mai. Referee thutlukna siam dan erawh hriatthiam a har ṭhin hle," tiin Vanglaini palai a hrilh.

Inkhel Result

Mizoram 2 - 0 West Bengal

Miz : K. Roluahpuia 7';

Lalbiaknia 78'

Tute nge khel?

(4-4-2) : Lalruatfela; Joseph Lalsanglura, Lawmsangzuala, PC Lalremruata, Vanlalronghaka; Alan Lalruatfela, Lalbiakfela, David Laltlansanga, R. Lalṭhapuia; Lalbiaknia, K. Roluahpuia.