Crystal Palace Striker thar Adebayor

Arsenal leh Man-chester City striker hlui Emmanuel Adebayor chuan season tawp thleng cham turin Crystal Palace chu free-transfer in a zawm.

Kum 31-a upa striker hi September 2015 khan Tottenham chuan an chhuah zalen a, club nei loa hun engemaw chen a hman hnuah Selhurst Park lam hi a pan dawn ta a ni.

Palace manager Par-dew hian kum 2006 khan West Ham manager a nih laiin Togo international hi AS Monaco aṭanga lakluh a lo tum tawh a, mahse Adebayor hian Arsenal lam a pan ta zawk.

Togo tan vawi 63 a inlana goal 29 khungtu striker hian Arsenal-ah kum nga a cham chhungin match 142 a khel a, goal 62 a khung. London club aṭang hian Manchester City lam pan lehin vawi 45 a inlanah goal 19 a khung a, Real Madrid-ah loan-a hun hmangin Spanish club lian tan hian vawi 22 inlanah goal riat a khung thei a ni.

Kum 2011 khan Tot-tenham a zawm a, Arsenal hmelma lian tan hian vawi 106 inlan hmanin goal 41 a thun sak a, a hun hnuhnung season hmasa lamah erawh chhungkaw lam buaina avangin Spurs tan a inlan thei meuh lo a, vawi 17 inlanah goal hnih chiah a khung a ni.