Goal tam zawk beisei Charlie Austin

Southampton striker thar Charlie Austin chuan league-ah goal tam zawk a khung theih a beisei thu a sawi chhuak.

Pound maktaduai 4-a QPR aṭanga Saints zawmtu English striker hian Manchester United an hmachhawn ṭumin minute 79-naah Saido Mane a thlak a, inkhela goal awmchhun a khung zui bawk.

Kum 26-a upa Austin chuan, "Saints hi 10-na tal a awm thei tur an ni a, hetiang team tana tha thawh hi ka châk a ni. Ṭha takin club tharah bul ka ṭan a, goal ka khung zel theih ka beisei a ni," tiin a sawi.

Ronald Koeman-a hote hi league-ah a zawnin match thum an chak tawh a, Thawhlehni zan dar 1:15 hian Arsenal nen Emirates Stadium-ah an inhmachhawn ang.