Aizawl DFA II Div Final-ah 1st Bn MAP Academy Vs Venghlui FC

28th January, 2016

Aizawl DFA hnuaia second division leh third division inelna semifinal chu nimin khan khelh zawh a ni a, Zirtawpnia second division final khelh turah 1st Bn MAP Academy leh Venghlui FC te an inhmachhawn ang.

Zirtawpni chawhnu dar 1:30 hian Lammualah second division final khelh a ni ang a, chawhma dar 11:00-ah Sihphir Venghlun FC leh Model FC ten third division final an khel bawk ang.

II Div lam

Season liamtaa first division aṭanga tla thla 1st Bn MAP Academy-in Season Opening Tournament-a final an luh zawh luh hnuah an chetsual nawn lo a, nimin khan Lammualah Mission Vengthlang chu penalty shootout hmangin an hneh.

Mission VT leh Police Academy inkhelh ṭum hian hun pangngaiah goal a lut lo a, penalty shootout-ah Kolasib keeper Lalrinchhana chu Hluna hote tan chhandamtu a ni.

Police Academy-in penalty an pet hnuhnung zawk a, vawi hnih leh vawi linaah an pet goal lo. Mission VT-in team ṭha zawka ngaih Police Academy barakhaih nei mah se keeper Rinchhana'n Mission VT penalty vawi li petna aṭangin a dang ṭan a, Kolasib keeper hian a zawnin vawi thum dangin a team a chhanhim.

Semifinal hnuhnung zawkah Venghlui FC-in minute 24-naa Lalremruata goal mawi tak hmangin FC Bethlehem an hneh a, kai thar Venghlui FC-in second division-a an awm season khatnaah a zawnin final an lut.

III Div lam

Republic Veng Khelmualah third division semifinal khelh a ni a, Sihphir Venghlun FC leh Model Veng FC te'n penalty shootout-ah hnehna changin final an lut.

Semifinal hmasa zawkah Sihphir Veng-hlun leh Bungkawn FC te hun pangngai-ah 1-1 in an inhnehtawk a, Sihphir Venghlun hi penalty-ah 3-1 in an chak.

Semifinal hnuhnung zawkah Chhinga Veng club Valkyries leh Model Veng FC te hun pangngaiah 1-1 thoin an inhnehtawk a, Model Veng FC hian tie break-ah 6-5 in hnehna an chang.

Semifinal Results

III Division - Republic Veng Khelmual

Sihphir Venghlun FC 1-1 Bungkawn FC

Penalty Shootout-ah Sihphir Venghlun FC 3-1 in an chak.

Valkyries FC, Chhinga Veng 1-1 Model Veng FC

Penalty Shootout-ah Model Veng FC 6-5 in an chak.

II Division - Lammual

1st Bn MAP Academy 0-0 Mission VT FC

Penalty Shootout-ah Police Academy 4-3 in an chak.

Venghlui FC 1-0 FC Bethlehem

VFC : Lalrinchhana 24'