Sharapova-i'n a duh chuan Olympic a khel thei ang - Tarpishchev

Russian Tennis Federation (RTF) president Shamil Tarpish-chev chuan Maria Sharapova chuan a duh a nih phawt chuan 2016 Rio Olympics-ah an ram aiawhin a inkhelh theih tur thu a sawi.

February 6-7 hian Moscow-ah Russia leh Netherlands te chuan 2016 Federations Cup an khel dawn a, he hunah hian Sharapova chuan a ban na enkawl a duh vangin a inkhelh theih dawn leh dawn loh a hriat chian loh thu a sawi a, hei hian an rama tennis thu-neitu sang ITF beng a thleng a ni.

World number 2 Sharapova hi Serena Williams hneh loin Aus-tralian Open quarterfinal aṭangin a tla a, tunah chuan chawlh hahdam a duh rih a ni.

Tarpishchev chuan, "Interna-tio-nal Tennis Federation (ITF) hian dan leh hrai a nei thlap a, Sharapova hian Olympic-a inkhelh a duh a nih chuan a khel thei ang, mahse ITF thu leh hla a ngaichang tur a ni. Infiamna khawmpuiliana inlan tur tan chuan ram aiawha inkhelh ngaihthah theih a ni lo thung," a ti.