Mizoram Karate team-in Medal pali an la

28th January, 2016

Mizoram Karate team chuan School Games Federation of India (SGFI) buatsaih 61st National School Games 2015-2016 Karate Under 17 Years (Boys and Girls)-ah silver medal pakhat leh bronze pathum an la.

Inelna hi January 20-24 chhung khan Rupnagar, Punjab State-ah neih a ni a, Mizoram team hi Mizoram sorkar School Education Department tirh niin H.Sânglura, CPEO, School Education Department, Aizawl leh H.Lalnithanga, Physical Education Wing, School Education Department, Aizawl bâkah Karate Technical Official F.V.L Hmangaihzuali, Karate Black Belt 2nd Dan te’n an hruai a ni.

Mizoram tana medal la tute

Sl. No Hming Veng/Khua Medal Category

1. Ramdinthara Tuikual North Silver 55-60 kgs

2. Lalremruati Bungkawn Bronze 40-44 kgs

3. Lalduhsangi Phunchawng Bronze 44-48 kgs

4. Marina Zorimawii Lunglei Zotlang Bronze 52-56 kgs