Townsend-a manah Magpies leh Spurs inrem

Newcastle United chuan hun engemaw chen Tottenham win-ger Andros Townsend an rim hnuah pound maktaduai 12 bawr vela lakluh an remti ta.

Kum 24-a upa winger hian tun season-ah Tottenham tan hmun a chang pha meuh lo a, substitute bench aṭanga vawi thum a inlan bak Spurs tan hian a inlan lo.

England tana vawi sawm inlan tawh midfielder hi nikum November khan an fitness coach Nathan Gardiner nen an inhmuh thiam loh avangin Europa League squad aṭanga paih a lo ni tawh.

Townsend hian kum riat mi lek a nih laiin Tottenham academy a zawm a, kum 2013-14 khan first team tan inlan
ṭan-in loan-in club hrang hrangah a khel kual hman a ni.

January transfer-ah New-castle United thawm a lian a, Magpies hian Townsend an lakluh hma hian Swansea aṭangin Jonjo Shelvey leh Bordeaux aṭangin Henri Saivet-te an lo la lut tawh bawk.