Arjen Robben-a'n inkhel bul ṭan a duh

Arjen Robben chuan Bayern Munich tan inkhel bul ṭan a duh thu a sawi a, hetih rual hian an manager Pep Guardiola thu-tlukna chu a zah thu a sawi bawk.

Dutch winger hi nikum November thlaa Olympiakos nen Champions League-a an inhmachhawn ṭum khan a tihrawl a ti na a, kar tawp Bundesliga inkhela Hamburg an hmachhawn ṭumin minute 81-naah luh tir a ni.

Kum 32-a upa Robben chuan, "Kar hnih chhung vel chu hliam vangin training pangngai ka zawm lo a, mahse tunah chuan ka hliam te a dam tawh a, ṭha takin ka inkhel leh thei tawh. Ka taksa ti chak turin inkhelh tam ka mamawh a, chu chu ka duhthusam a ni bawk. Amaherawhchu kan manager thutlukna erawh ka ngaihchan a ṭul a ni," tiin a sawi.

Bayern Munich hian Bun-desliga-ah ro an rel mek a, lea-gue match 18 khelh tawh aṭanga point 49 hmuin an mahni hnaih bertu Borussia Dortmund nen point riatin an inthlau mek.