Milan tan Balotelli a inlar leh ta

Mario Balotelli chuan September thla hnua a vawi khat nan AC Milan tan inkhel bul a ṭan a, Thawhlehni zan khan Alessandria lakah penalty chhuih lutin Coppa Italia semifinal first leg-ah 1-0 in hnehna an chang.

Turin-a inkhelah Liver--pool aṭanga loan-a Milan pantu Balotelli hian midfielder Keisuke Honda ball siamsak ṭha tak chu uiawm taka a thun loh hnuah minute 42-naah he inkhela goal awmchhun hi a khung.

Italy international hi ṭhâl na vanga a inkhelh theih loh reng avangin thla li chhunga a goal khung lehna hmasa ber a ni. Super Mario tia hming lem an pek hian goal a khung hnuhnung ber chu September 22 kha niin Serie A inkhelah Udinese lakah goal a khung a ni.

Third division club Alessandria hian beisei phak bakin Coppa Italia-ah an khel ṭha a, semifinal thleng turin Palermo, Genoa leh Roma te an hneh a ni.

March 1 khian Milan khel-mual San Siro-ah se-cond leg hi khelh leh a ni ang. Nizan khan semifinal lehlamah Juventus leh Inter Milan an inhmachhawn a, result erawh kan hre hman lo.