Vawiinah Mizoram Vs West Bengal
50th Junior National Football Championships for BC Roy Trophy champion lai Mizoram chuan vawiin chawhma dar 11:00 hian an match berah West Bengal chu Sports Stadium Chabbewal-ah an hma-chhawn dawn.
Group khat aṭangin team pakhat chauhin semifinal an lut dawn a, Mizoram group-a awm dang pahnih Meghalaya leh Karnataka te an in-hnuhdawh avangin Mizo-ram leh West Bengal hi vawi hnih an inhma-chhawn ang. Vawiin bakah hian January 30-ah team pahnih hi JCT Sports Complex, Chohal-ah an inkhel leh ang a, a belhkhawma goal khung tam zawkin semifinal an lut ang a, away goal rule a awm lo ang.
Mizoram coach Lal-remtluanga chuan, "Inelna neih hun sawn hma thut avangin Aizawlah in-buatsaihna kan nei hman lova, mah se champion bak kan rilruah a awm lo. Nomawi nen ngei kan lo haw kan inring khawp mai, ṭawngṭaina lama min lo hre reng turin Mizo mipuite kan ngen a ni," tiin a sawi. MPL4-a Dinthar coach inbuatsaihna neih ṭhat tawk loh chu chhuanlama hman an tum loh thu a sawi a, Punjab an thlen hnuah training an neih ṭhat thu Vanglaini palai a hrilh bawk.
MPL1-a Chanmari FC coach Lalchhuanawma Pautu chuan, "Team enkawl-tute hi coach ve ve kan ni a, kan duh zawng a in ang a, champion pawh kan inbeisei khawp mai. West Bengal enkawltute hi kan manager hluite an ni hlawm a, player-te erawh hre chiang lo mah ila team ṭha tak an nih chu ka ring. Chutihrualin Pathian zarah West Bengal hi kan hneh ngei ka beisei," a ti. Mizoram manager L.Ch-a hi a inkhelh hun laiin Kolkata club East Bengal leh Mohammedan tan a khel tawh ṭhin a, MPL ṭan hma season-ah a captain-na hnuaiah Dinthar FC chu MFA League-ah a champion pui bawk.
Mizoram Junior Team Squad
J No. Hming Pa Hming Veng/Khua
Goalkeeper
1 Lalruatfela Zohmingthanga Mamit
20 Malsawmtluanga Lalhmingmawia Armed Veng S
Defender
2 C. Lalnunthara C. Lalnunmawia Dinthar
15 Joseph Lalsanglura Vanlalhruaia Durtlang
3 Lalhriatpuia R. Lalhmingthanga Armed Veng S
5 Lawmsangzuala Zahmingthanga Hunthar
4 PC Lalremruata PC Lalduhawma Sihphir
16 Stephen Lianzalala Pauminliana Mamit
6 Vanlalronghaka Lenchuanga N. Lungpher
Midfielder
11 Alan Lalruatfela Lalrintluanga Varte Khawruhlian
10 David Laltlansanga Isak Lalrinsanga Chawnpui
17 Khiangdingpuia Vanlalnghenga Venghnuai
13 Lalbiakfela C. Lalrinthanga Chite Veng
18 Lalnunhlua Lalbiakkima Hualngohmun
8 Lalramngheta Lalchungnunga Luangmual
7 R. Lalthapuia R. Lalruatkima Salem Veng
Forward
19 K. Roluahpuia K. Lalrinsanga Khawruhlian
14 Lalbiaknia Thanhlira Chite Veng
12 Laldinpuia Ng. Lalthanzawna Siaha
9 Zoliansanga David Ramsangliana Sihphir Venghlun
Team Official
Coach : Lalremtluanga, Venghnuai
Manager : Lalchhuanawma Pautu, Dinthar