Neymar-a'n Barcelona-a contract thar a ziah beiseitu Luis Enrique

Barcelona coach Luis Enrique chuan a player pawimawh Neymar chu Nou Camp-ah a cham chhunzawm zel a beisei thu sawiin Barcelona-ah contract thar a ziah thuai a rin thu a sawi.

Kum 23-a upa Neymar hian June 2018 thleng cham turin Barcelona-ah hian contract a nei a, Manchester United, Real Madrid leh Paris Saint-Germain-te nen sawizawm mek a ni. Spain media ṭhenkhat chuan Real hian Neymar hi a lei theihna zat pound maktaduai 144-in an ngam niin an tarlang.

Spanish manager Enrique chuan, "Neymar hian kum tam zawk he hmuna cham tur hian contract a ziak thuai ang," tiin a player pawimawh chu a chhuah loh tur thu a sawi.

Neymar-a pa leh a agent ni bawk Neymar Santos Sr chuan a fapa chu Barcelona-a cham chhunzawm tura indawrna kalpui mek a nih thu December thla khan a lo sawi tawh bawk.

Brazil captain hian kum 2013 khan Brazilian club ṭha Santos aṭangin Barcelona hi a zawm a, Catalan club tan hian vawi 117 inlanah goal 74 a khung tawh a ni.