2020 thleng Usain Bolt?

Khawvel mihring piang tawh zinga tlan chak ber Usain Bolt chuan kum 2020 Olympics thleng a intlansiak theih mai theih thu a sawi.

England khawpui London-ah kum 2017 khian World Championship a awm dawn a, hemi hnuah hian Bolt chuan chawlh a tum tur thu a lo sawi tawh. Mahse Television Jamaica-in an kawmnaah Bolt-a coach Glen Mills chuan 2020 Olympic-ah pawh a la inlan theih a beisei thu a sawi thung.

Olympic gold medal paruk la tawh Bolt chuan, "Kei chuan ka sawi thei lo a, mahse ka coach chuan chawlh la ngaihtuah lo turin min ti. Ka taksa a hrisel ṭha a nih phawt chuan kum 2020 Olympic-ah pawh ka la intihsiak theih a ring a ni. NBA legend Michael Jordan pawhin intlansiak chawlh san lam chu la ngaihtuah lo turin thurawn min lo pe tawh bawk," a ti.

Kum 29-a upa Bolt hian tun hnai Olympic hnuhnung pahnihah khan 100m, 200m leh 400 relay-ah te gold medal a la vek a ni.