India-in Australia hneh

Australia laka ODI series-a 4-1 a an tlawm hnuin India-in harhtharna an chang a, nimin khan Twenty20 series match thum an khelh tura an match hmasa ber khelin Australia chu run 37-in an hneh.

Adelaide Oval, Ade-laide-a inkhelah India tan Virat Kohli a che ṭha a, kum 27-a upa bats-man hian ball 50 a hma-chhawnah run 90 vaw chhuakin a tawp thleng a dam.

ODI series khelh zawh taka Man of the series-a thlan Rohit Sharma chuan ball 20 a hmachhawnah run 31 a vaw chhuak bawk a, ball 34-a run 41 vaw chhuaktu Suresh Raina a khel ṭha viau bawk.

India hian over 20-ah run 188 vaw chhuakin mi pathum chiah an hloh a, Australia tan target hu-phurh-awm tak an tuksak.

Australia bat hun a thleng a, over 19.3 an khel tling tihin an vaiin an out vek a, run 151 chiah vaw chhuakin an khelmualah an mualpho. Asutralian batsman zingah ball 33 a hmachhawna run 44 vaw chhuak theitu Aaron Finch lo chu che thei an awm meuh lo.

Indian bowler zingah Jasprit Bumrah chuan over 3.3 a vawmah run 23 chiah pein mi pathum a vawm out a, a che ṭha hle.

Zirtawpni tlai dar 2:08-ah India leh Aus^-tralia hian Twenty20 series match hnihna chu an khel leh dawn a ni.