FA-in Connor Wickham an hrem

English football-a thuneitu sang Football Association chuan Crystal Palace striker Connor Wickham chu Tottenham Hotspur nen an inkhelh ṭuma a chet dan mawi lo tak avangin an hrem dawn.

Kum 22-a upa striker hian Tottenham defender Jan Vertonghen chu ball an inchuhna lamah a kiu in a nghawk lui a, he inkhela referee Martin Atkinson-a'n hmu fuh lo mah se video replay en a nih hnuah hrem a ni dawn ta tho a ni.

Crystal Palace striker hian nizan zanlai thleng khan hrem a nihna hi a khinglet thei dawn a, a khinglet a nih chuan FA lamin an ngaihtuah ṭha leh ang.