Sania leh Saina ten Padma Bhushan an dawng

India rama civil mite chawimawi sang Bharat Ratna leh Padma Vibhushan te dawta mi Padma Bhushan chu sem a ni leh ta a, hmeichhe tennis khel thiam hming-thang Sania Mirza leh India ace shuttler Sai-na Nehwal chuan he chawi-mawina hi an dawng.

Kum 1954 aṭang-in Padma Bhushan chawimawina hi civil mi chawimawi phu khawpa mi hmingṭha 1230 hnenah hlan a lo ni tawh.

World number 2 Saina hian nikum khan India Open Super Series leh Syed Modi Grand Prix Gold title a lak bakah All England leh World Badminton Championship-ah te silver medal a dawng bawk.

Kum 25-a upa Saina hian chawimawina hrang hrang Arjuna Award (2009), Rajiv Gandhi Khel Ratna (2010) leh Padma Shri (2010) te a lo dawng tawh bawk a ni.

Tun dinhmunah Saina hi hliamin a ti buai mek a, a title humhim turin Syed Modi Grand Prix Gold-ah pawh a inlan thei dawn lo a ni.

Kum 29-a upa Mirza hi nikum khan Martina Hingis nen an ṭangdun fuh hle a, tournament hrang hrang pakuah ngawt an champion. Heng zingah hian Grand Slam pahnih Wimbledon leh US Open te pawh a tel a ni.