Ramires-a'n China a pan hnai

Chelsea midfielder Ramires chuan Chinese club Jiangsu Suning a zawm hnai. Chinese Super League club hian Ramires-a man atan hian pound maktaduai 25 theh-chhuah an inhuam a ni.

Kum 28-a upa Ramires hian kum 2010 khan Benfica aṭangin Chelsea hi pound maktaduai 17-in a zawm a, October 2015 khan Stamford Bridge-a kum li dang cham turin contract thar a ziak. Mahse, Brazilian midfielder hian tun season-ah khelhna hmu a chang meuh lo a, Premier League match sarih chiah inkhel bul a la ṭan a ni.

Brazil tana vawi 52 in-lan tawh Ramires hian Stamford Bridge-a hun a hman chhungin champion nomawi a chawi theih ang chu chawi kim deuh vekin Pre-mier League, FA Cup, League Cup, Champions League leh Europa League nomawi a chawi hman.

Ramires lakluh tum hian Bayern Munich leh Paris Saint Ger-main pawhin thawm an nei nia sawi a ni a, mah se Chinese club Jiangsu hian an ngam huai ber avangin an chang dawn ta niin a lang.

January transfer-ah Chelsea hian an defender Papy Djilobodji chu loan-in an chhuahtir tawh a, striker Loic Remy chu loan-in a chhuak dawn nia sawi a ni bawk. Hetihlai hian London club hian Brazilian striker Alexandre Pato chu lakluh tumin an dawr mek niin an sawi bawk.

Chelsea defender hlui Dan Petrescu-a enkawl Jiangsu hian season hmasa kha Chinese Super League-ah pakuana nichungin season an khar a, an club chanchina a vawi khat nan Chinese Cup nomawi an chawi bawk.

Tun hnaiah Chinese Su-per League hian sum tam vangin khawvel huap pawha player langsar ni pha an hip nasa hle. Everton midfielder hlui Tim Cahill, Chelsea stri-ker hlui Demba Ba, Liverpool midfielder hlui Mohamed Sissoko, Brazil international Diego Tardelli, Tottenham mid-fielder hlui Paulinho, Gha-na international striker Asamoah Gyan, Bayer Le-ver-kusen midfielder hlui Renato Augusto-te ho chu Chinese Super League-ah hian an khel mek a, khawvel huapa coach langsar tak tak an awm nual bawk avangin Ramires-a'n China lam a hawi hi a mak hran lo.