A tawp khar ṭhat duh tu Allegri

Juventus manager Mas-similiano Allegri chuan tunlaia an khelh ṭhat dan chu season tawp thlenga chhawm nun theih a duh thu a sawi. Juve hian sea-son hmasa khan Serie A leh Coppa Italia title an lak bakah Champions league final an lut.

Turin club hian tun season-ah bul ṭan fuh lo deuh mah se an insiam rem tawh a, league-ah pahnihna dinhmun an luah leh tawh a, Cham-pions League-ah pawh lasat 16 in pet kai tawhin thla leh hian German champion Ba-yern Munich nen an in hmachhawn ang. Zanin dar 1:15 hian an title hum-him turin Coppa Ita-lia semifinal first leg-ah Inter Milan chu an lo mikhual dawn bawk a ni.

Juve manager Allegri chuan, "Tuna kan khelh dan hian Serie A-ah chuan May 8 thleng khelh ka duh a, Coppa Italia-ah chuan May 21 thleng ni se, Champions League-ah chuan May 28 thleng khelh ka duh. Inter lakah pawh hian game ṭha tak kan khelh theih ngei ka beisei a ni," tiin inelna lian pathumah a tawp thleng a ṭha taka khelh a duh thu a sawi.

Zanina Coppa Italia-a inkhel tur team pahnihte hian record an nei ṭha dun hle a, Juve hi vawi 10 an champion tawh a, an khingpui tur Inter hi vawi sa-rih an champion tawh thung.

Juve hian hliam vangin Mario Lemina leh Roberto Pereyra an chhawr thei dawn lo a, hetih lai hian Inter erawhin hliam vanga buaina an nei lo thung.