Republic Day-ah New Colony United champion

27th January, 2016

Siaha DFA-in Republic Day puala tournament a buatsaih chu nimin khan khelh zawh a ni a, final-ah New Colony United FC chuan 4-3 a Siaha Police FC hnehin an champion. He inelnaah hian team 17 lai chhuakin goal 89 a lut a ni.

Nimin hian Siaha DFA chan-china a vawi khat nan hmeichhe football exhibition match khelh a ni a, Govt. Siaha College Fc leh ECM Vaih FC-te inhmachhawnin goal khat ve ve khunga an inhnehtawk hnuah penalty hmangin ECM Vaih FC te hi 4-2 in chak zawkah an ṭang ta a ni.

Mimal Lawmman

Fair Play Award: New Colony Utd. FC

Best Player: A. Beihrokhai, New Colony Utd. FC

Top Scorer: A. Beihrokhai, New Colony Utd. FC(7 goals)

Best Goalkeeper: B. Khawngaihsanga, Siaha Police FC