Arsenal midfeilder Francis Coquelin a dam

Arsenal midfeilder Francis Coquelin chu a khup na vanga hun rei tak a chawlh hnuah full training a zawm leh thei tawh a, tunkar tawp Premier League inkhela Burnley an mikhual hunah chuan inlan thei tawh tura ngaih a ni.

Forward Danny Welbeck pawh khup na vanga kum khat dawn a chawlh hnuah tun kar chhung hi chuan team training a zawm pum hlum thei tawh tura beisei a ni a, midfielder Tomas Rosicky pawh August thlaa a khup zai a nih hnuah a inkhel thei leh tawh bawk.

Tun season-ah Gunners hi hliam vangin an buai deuh reng a, an player hliam te an dam ṭan mek laiin Pathianni zan khan Chelsea nen an in-khelh ṭumin defender Per Mer-tesacker chu hnawh-chhuah a ni. Ani aiawh tur hian Gabriel Paulista an nei thung.

Karleh Thawhlehni zan hian Southampton nen an in-hmachhawn zui dawn avangin tun kartawpah hian manager Arsene Wenger chuan player a siksawi rin a ni.