Indian shuttler Sindhu a lawm

Premier Badmintion League khelh hnua a season tournament khelh hmasak ber Malaysian Masters Grand Prix-ah a champion avangin PV Sindhun chuan a lawm thu leh inrintawkna a neih phah thu a sawi.

Indian shuttler Sindhu hian Pathianni khan Spice Stadium-ah Scotland shuttler Kirsty Gilmour chu straight game-a hnehin champion nomawi a chawi.

Kum 20-a upa Sin-dhu chuan, "Nikum khan Macau Open-a cham-pion chungin kum ka khar tawh a, kumina ka tournament hmasa ber Malaysia-ah hnehna ka chang leh thei hi ka tan chuan duhthusam a ni. Kuminah Olympic a awm dawn avangin player zawng zawng ten chet ṭhat an duh vek a, India aiawh ni thei tura theih tawp chhuah a ngai. He ka hnehna hian ka tournament khelh leh turah pawh inrintawkna min pek ngei ka beisei," tiin a sawi.

Hyderabad nula Sin--dhu hian World Cham-pionship-ah ṭum hnih ngawt bronze medal a lo la tawh a, tun dinhmunah hian world number 12 a ni mek. World number 2 Saina Nehwal tih lohah chuan India hmeichhe badminton star zingah beiseiawm ber a ni mek.