Thla khat chawl tur Ryan Shawcross

Stoke City captain Ryan Shawcross chu kar hmasa Inrinnia Leicester City an hneh loh ṭuma a hliam vangin thla khat vel tal a chawlh a ngai dawn.

Kum 28-a upa defender hian a hnung lamah hliam hi a tuar a, season hmasa khan hnung na vang thoin hun engemaw chen a lo chawl tawh. Tun season pawh a hnung na vang hian bul a lo ṭan thei tawh lo a ni.

Stoke boss Mark Hughes chuan, "Shawcross-a hliam hi zai ngai khawp a ni lo a, chu chu kan tana lawmawm chu a ni. Kan tana lawmawm lo erawh zai ngai lo mah se kar thum aṭanga kar li tal fit tur chuan chawlh a mamawh hi a ni," a ti.

Shawcross hi thla khat chhung a chawl dawn a nih chuan FA Cup fourth-round tie-a Crystal Palace an hmachhawn hunah bakah Premier League-a Man-chester United, Ever-ton leh Bournemouth an hmachhawn hunah pawh a inlan thei lo ang.