Kulikawn Cricket Club an champion

Mahuma Memorial Cricket Tournament final chu Inrinni khan Suaka Cricket Stadium-ah khelh a ni a, Kulikawn Cricket Club-in Chhinga Veng CC chu wicket thuma hnehin an champion.

First division inelna Mahuma Memorial-ah hian team pariat an awm a, vawi khat ṭheuh an inkhelh kual hnuin a sang pahnihin final an lut. Chhinga Veng hi league-ah pakhatna ni mah se final-ah erawh team anga tawnhriat ngah zawk Kulikawn CC-in hnehna an chang.

Mapuia Cricket League khelh thuai a ni dawn a, tun inelna neih zawh taka a sang pali Kulikawn, Chhinga Veng, Chanmarians leh Zar-kawt Lords te tualchhung cric-ket inelnaa dah san ber khel turin an tling. Hetihlai hian first division team pahnih Armed Veng leh Zemabawk Pitchers te chu second division-ah an tla thung.

Second division inelnaah Kha-led Memorial Cricket Tournament final-ah Tlangnuamin run 15-in Luangmual an hneh a, an champion ve bawk. Finalist pahnih hi first division khel turin an inhlangkai nghal bawk.