Louis van Gaal a bang dawn lo

Manchester United boss Louis van Gaal chu Inrinnia Southampton an hneh loh hnuah ban tum anga sawi ni mah se Dutch manager hian a hna a chawlhsan dawn lo niin BBC chuan a tarlang.

Kum 64-a upa Van Gaal hian Saints an hneh loh zawhah a hna aṭanga ban a duh thu United executive vice-chairman Ed Woodward hnenah a hrilh nia sawi a ni a, Pathianni khan Netherlands lam pana a haw bawk avang-in Dutch manager hi a bang dawn nia sawi thawm a ri ring hman hle.

Mahse, United boss hian Inrinnia FA Cup fourth-round Derby Coun--ty nen an khelh tur inpuahchahna atan Thawh-leni hian training a kaihruai leh tawh dawn nia sawi a ni a, United lam erawh chuan thuchhuah engmah an la siam lo thung.

Van Gaal hian Bar-celona a enkawl laiin a contract zawh hmain a lo chhuahsan tawh a, kum 2005 khan Ajax technical director a nihna aṭangin a lo bang tawh. Dutch manager sulhnu en hian a contract zawh hmaa United chhuahsan tum anga an sawi pawh hi a awm lo hran lo.

Nikum December khan Van Gaal hian Stoke City an hneh zawh loh hnuah Chelsea an hneh lo a nih chuan a hna a bansan tur thu a sawi nia sawi a lo ni tawh a, Chelsea nen goal khung loin inhnehtawk mah se Dutch manager hian a hna hi a bansan phah chuang lo a ni.