Atletico-in hremna khinglet dawn

Dik lo taka player kum tling lo la luta puh an nih avanga Real Madrid nena hrem tawk Atletico Madrid chuan hrem an nihna chuh khinlet an duh thu FIFA Appeal Com-mittee hnenah an hriattir.

Atletico Madrid hi Real Madrid nen kum 2016 nipui transfer leh kum 2017 thlasik transfer-a player la lut thei lo tura hrem an ni a, pound 6,26,642 chawi tura tih an ni bawk.

Spanish club chuan thuchhuah siamin, "Dan hnuaiah dik taka engkim kalpui kan nih avangin hrem kan nihna hi kan pawm thei lo a, khinglet turin thutlukna kan siam ta a ni," an ti.

Atletico ang thoa hrem tawk Real Madrid chuan hrem an nihna hi an khinlet tur thu an sawi a, an hmalak dan erawh hriat a la ni lo thung. Spanish club zingah Barcelona chu April 2014 khan player la lut thei lo tura hrem an lo ni tawh bawk.

Hetihlai hian La Liga thu-neitute chuan Ja-nua-ry-a player transfer theih hun chhung chu an pawtsei a, January 31 thleng pla-yer lakluh theih tura rua-hmanna awm sa chu Feb-ruary 1 thleng pawhsei a ni.