Sheikh Salman-a'n Ferguson chhawr ṭangkai dan ngaihtuah

FIFA presidential candidate Sheikh Salman bin Ebrahim al-Khalifa chuan president-a thlan tlin a nih chuan Manchester United manager hlui Alex Ferguson chu advisory role-ah nihna pawimawh tak a pek tur thu a sawi.

Asian Football Confederation president chuan, "Sir Alex hian UEFA tan pawh hna ropui tak a lo thawk tawh a, ani ang pa ropui tawnhriat ngah leh he game tana hna ropui tak lo thawk tawhtu hi thurawn min pe tura a awm chuan football tan a ṭha dawn a ni," tiin Sir Alex chu a dah sang hle.

Sheikh Salman chuan sawi chhunzawmin, "Premier League chief executive Richard Scudamore leh Sir Alex-te hian board of advisors-ah hmun pawimawh tak an chang. Football tana an hnathawh ropui tak avang hian mi zawng zawng zah an hlawh a ni," a ti.

February 26-a thlan tur FIFA presi-dent dinhmun chuh tur hian Sheikh Salman hian Prince Ali Bin Al Hussein, Jerome Champagne, Gianni Infantino leh Tokyo Sexwale-te a in khinpui dawn a ni.