Hnathawh zawh tawh chin pawh sum dawn tawh aiin a tam zawk - RRR

District Council and Minority Affairs minister Robert Romawia Royte chuan nimin khan New Delhi-ah Union Minority Affairs minister Zubin Irani chu a pisaah a kawm a; Union Minority Affairs secretary K Srinivas chu Mizorama Bru leh Chakmate tihhmasawnna tur projects a sawipui.

Robert Romawia chuan, PMJVK hnuaia project-te chu Mizoram tihmasawntu lian tak a nih thu Union Minister hi a hrilh a, "Hnathawh zawh chin pawh sum dawn tawh aiin a tam zawk fe," a ti a; Mizoram chu PMJVK scheme tiṭha ber state a nih a rin thu a sawi.

PMJVK hnuaia second instalment sum la pek chhuah lohte rang taka pe chhuak turin Union Minister chu a ngen a; kumin atana Annual Plan pawh a sawipui nghal.

Sorkar thuchhuah tarlan danin, Union Minority Affairs minister Zubin Irani chuan Robert Romawia hnenah hian PMJVK second instalment chu a pekchhuah nghal tur thu a lo hrilh a, kumin atan Mizoram sum ruahman pawh a lo ngaih pawimawh tur thu a lo hrilh bawk. DCMA Minister hian Union Minority Affairs secretary K Srinivas pawh kawmin, Mizorama Bru leh Chakmate tihhma-sawnna tur projects-te an sawi dun a ni.

Minister hi New Delhi Mizoram House resident commissioner Alex V Chawngthu leh Tourism deputy secretary V Lalengmawia ten an ṭawiawm a ni.