India team an chak chiang

Asian Games 2023 neih laiah, nimin khan Lalremsiami Hmar telna India hockey team chuan an match hmasa ber an khel a, an khingpui Singapore chu 13-0 tehmeuha sawpin bul an ṭan fuh hle.

Pool A match inkhelah hian Mizo nula Remsiami'n bul a ṭan a, goal khung chiah lo mah se player ṭangkai leh hmuhnawm zinga mi a ni. Inkhelh hmaa Vanglaini a lo hrilh tawh ang ngeiin, kawng engkima chungnung chungin an chak thei a ni.

India hian September 29, Zirtawpni hian an pool match pahnihna atan Malaysia an hmachhawn leh dawn. Chumi hnuah South Korea leh Hong Kong te an la tum chhunzawm leh ang, an inkhelh kual vek hnuah a sang pahnihin semifinal an lut dawn.

Asian Games champion nih hi a hlu, gold medal a ni satliah lo - champion team chu Paris Olympic 2024 khel turin an tling nghal dawn. Hei vang hian khawvel huap infiamna khawmpui lian kalkawng a ni.