Mizoramin training ṭan

77th National Football Championship for Santosh Trophy khel turin nimin zing aṭangin Mizoram team chuan coach Lalsangzuala Hmar hoin RG Stadium-ah training an ṭan. Vawiin hian 1st Bn MAP Ground-ah training hi an chhunzawm ang.

Training hmasa berah hian player 19 an kal thei a, Mizoram Police player-ten vawiin aṭangin Mizoram team training an zawm ve leh bawk ang.

Santosh Trophy-ah hian CRS-ah player 40 a ziah luh theih a, qualfiying round bik atana player ziah luh theih erawh 22 an ni. Final round-ah player hi a siksawi leh theih ang.

Mizoram manager K. Lalenghluna (Maenga) chuan, "Mizoram team ṭha tak din turin MFA a inhawng a, kan ram tana theihtawp chhuah turin ka sawm a che u," tiin training hmasa berah player-te a fuih.