Khachanov a champion

Karen Khachanov chuan Yoshihito Nishioka chu 7-6 (2), 6-1 a hnehin Zhuhai Championship nomawi a chawi a, tun hnai kum li chhunga a champion lehna hmasa ber a ni hial.

Thawhlehni zana final inkhelah kum 27 mi Khachanov hi a tir aṭangin a chungnung zawk, set khatna bikah tie break chu khel ve bawk mah se, set hnuhnung zawkah chuan game khat chauh hloh chungin a tlang.

Russian tlangval Khachanov hi French Open hnuah a inkhel tam lo. Hnungzâng na vangin a chawl reng a, tun hnaiah rawn inkhel chho lehin nomawi a chawi ta hial a, a tan chuan thil lawmawm bik a ni ngei ang.