Vawiinah Naupang League chhunzawm dawn

Reliance leh MFA buatsaih Naupang League Season 2 chu vawiin hian RG Stadium-ah khelh a ni leh dawn. RFYC Naupang League 2023-24 Season 2 hi Aizawl, Champhai, Lunglei leh Kolasib-ah te khelh a ni. Aizawlah hian team 14 an awm a, team tin hian category panga - Under 6, Under 8, Under 10, Under 12 leh Under 14 an nei vek.

September 26-27, 2023 khan RG Stadium-ah De-Centralized coaching (DECO) neih a ni a, naupangte football khelh dan zirtir an ni. Reliance aṭangin head of youth development Robert Roelofsen, head of scouting Stephen Charles leh lead content Nihal Colaco ten Naupang League an kalpui dan endikin Mizoram an rawn tlawh a, vawiina inelna pawh hi a hmunah an thlir ang.