League Cup final rematch

September 27, Nilaini zan khan League Cup fourth round draw neih a ni a, Manchester United leh Newcastle United te an inhmachhawn dawn. Erik ten Hag-a te vanneihna chu Old Trafford-a khelh tur a ni a, amaherawhchu club tenau zawk awm ṭeuh laia Magpies ber kher pawh fuh chu vanduai an inti khawp ang.

Season liam ta khan League Cup final-ah Man United hian Magpies hi Wembley Stadium-ah 2-0 in an hneh a, nomawi an chawi. Tun ṭumah erawh Wembley Stadium-ah an intawng dawn tawh lo a, fourth round-a an inhmachhawn dawn avangin pakhat zawkin quarterfinal an thleng dawn lo tihna a ni.

West Ham-in Arsenal an mikhual dawn a, Liverpool-in Premier League club tho Bournemouth an tlawh bawk ang. Chelsea-in Blackburn an mikhual dawn a, Premier League-a che ṭha lo Blues tan League Cup hi insiamṭhatna leh inrintawkna neih nan a pawimawh khawp ang.