An khelh danah Remsiami a lawm

Lalremsiami Hmar telna India chuan an match hmasa berah Singapore an sawp a, goal 13 ngawt an khung. Vawiin tlai dar 4:15 hian an match pahnihna atan Malaysia an hmachhawn leh ang.

Remsiami chuan, "Keiman goal khung lo mah ila India kan chak a, kan ramin hnehna kan chang kha ka lawm. Theihtawp chhuahin ka bei chhunzawm dawn a, a hma ang bawkin Mizo mipuite min ṭawngtai pui turin ka sawm leh bawk," tiin Vanglaini a hrilh.

Asian Games champion hian qualifying khelh hah ngai loin Paris Olympic 2024 an khel thei nghal dawn. India leh Remsiami tan champion theih a pawimawh takzet a ni.