Mohun Bagan-in Bengaluru an hneh

Nilaini zan Indian Super League inkhelah Mohun Bagan Super Giant chuan 1-0 in Bengaluru an hneh a, an match hmasa berah 3-1 a Punjab FC an hneh tawh bawk avangin league match hnih aṭangin point ruk an nei.

Kolkata club tan Hugo Boumous chuan minute 67-naah inkhela goal awmchhun a khung a, Bengaluru-in a chhanletna tur an nei lo a, Suresh Singh leh Roshan Singh hnawhchhuah an ni bawk - Bengaluru hian an match hmasa berah Kerala Blasters an hneh lo tawh bawk a, match hnih aṭangin point hmuh an la nei lo!

Bagan lamah Lalrinliana Hnamte awm mah se, bench lamah hun a hmang tluan a, Bengaluru lamah Lalremtluanga Fanai chu bench lamah a awm tluan bawk - zanin dar 8:00-ah ISL match khat a awm dawn a, NorthEast United-in Chennaiyin an mikhual ang.

Team pahnih hi an match hmasa bera tlawm ve ve an ni a, zanin match hi an tan a pawimawh lehzual. Chennaiyin lamin Mizo kawl an nei lo a, Highlander hian forward Rochharzela leh midfielder Fredy Chawngthansanga an nei thung.