Leipzig an chak hram

DFB Pokal first round-ah RB Leipzig chuan Wehen Wiesbaden chu 3-2 in an hneh. BRITA-Arena-ah Emil Forsberg hmangin mikhual team Leipzig-in goal an khung hma a, Benjamin Sesko-a'n minute 18-naah goal hnihna a khung leh bawk.

Amaherawhchu Ivan Prtajin-a'n mualneitu tan first half-ah si phurh a sut ṭhen a, Leipzig tan Sesko-a'n minute 70-naah hmahruai belhchhahna khung mah se Prtajin-a'n minute 73-naah si phurh a sut ṭhen avangin hun tawp thlengin boruak a ṭang - a tawpah erawh team ṭha zawk Leipzig chu 3-2 in an chak.

German Cup second round-ah hian team 32 an la dam a, club ṭha Bayern Munich, Borussia Dortmund, RB Leipzig leh Bayer Leverkusen te an la dam vek. October 1, Pathianni hian draw neih tur a ni a, October 31 leh November 1, 2023-ah khelh leh tur a ni.