Murray leh Bruno Soares

Nimin khan Austra-lian Open mipa double final khelh a ni a, Jamie Murray leh Bruno Soares te ṭang dun chuan Daniel Nestor leh Radek Stepanek te hnehin an champion.

Britain Murray leh Brazilian Bruno te ṭang dun hian an Grand Slam title pakhatna la tur hian Melbourne Park-ah set hmasa an hloh zet hnuah 2-6, 6-4, 7-5 in hnehna an chang.

Kum 82 chhung zet chu Britain mi in Australian Open mipa double nomawi an chawi tawh lo a, he an record duhawm lo tak hi kum 29-a upa Murray chuan a rawn thaichhe ta a ni.

Mixed double inelnaah Elena Vesnina leh Bruno Soares te ṭang dun chuan Coco Vandeweghe leh Horia Tecau chu 6-4, 4-6, 10-5 a hnehin an champion ve bawk.

Zirtawpni tlai khan hmeichhe double final khelh a lo ni tawh bawk a, Indo-Swiss duo Sania Mirza leh Martina Hingis te chu an champion a ni.