Final-ah Mizoram vanduai

Mizoram U16 hmeichhe team chuan Rajiv Gandhi Khel Abhiyan (RGKA) hnuaia khelh football inelna final-ah Haryana chu penalty shootout-ah an hneh lo.

Mizoram team hian first round-ah Kerala chu aggregate-ah 3-0 in an hneh a, final lut turin Kerala leh Madhya Pradesh an hneh leh bawk. Pondicherry-a inelna neih final-ah hian hun pangngaiah goal a lut lo a, penalty shootout-ah Har-yana chu 3-2 in an chak.

Mizoram coach Lizzy Lalhmingsangi chuan, "Player tawnhriat nei
ṭha nei lo mah ila team
ṭha lakah theihtawp kan chhuah a, nomawi kan chawi pha lo nachungin player-te khelh danah ka lawm takzet a ni," tiin Vanglaini palai a hrilh.

SYS coach Lizzy chuan sawi zelin, "Game struc-ture pathum kan zir a, khelmualah kan thil zir angte kan hman theih avangin kan hlawhtlingah ka ngai. Mizoram team ka vawi khat hruaina a ni a, hun ṭha ka nei leh a nih chuan result a danglam tawh ang," tiin tumruhna nen hmabak êng zawk an neih thu a sawi.