India-in Australia an sawp

Twenty20 series khelh mekah India leh Australia chuan nimin khan an match thumna an khel a, wicket 7-in India an chak. Twenty20 series hi match thum neih niin India hi match hmasa pahnihah an lo chak tawh bawk avangin series hi 3-0 in an la ta a ni.

Sydney Cricket Ground (SCG), Sydney-a inkhelah Australia an bat hmasa zawk a, over 20-ah run 197 vaw chhuakin mi panga an hloh. Australia tan captain Shane Watson a che ropui a, ball 71 a hmachhawnah run 124 vaw chhuakin a tawp thleng a dam a ni.

India-in over 20-ah run 200 an vaw chhuak a, mi pathum an hloh. India tan run 52 vaw chhuaktu Rohit Sharma leh run 50 siamtu Virat Kohli-te an khel ṭha viau a, Suresh Raina chuan ball 25 a hmachhawnah run 49 a vaw chhuak.