Watford-ah Suarez a lut

January transfer-ah Watford-in thawm an nei zel a, keeper Costel Pantilimon leh forward Nordin Amrabat an lakluh hnuah midfielder Mario Suarez chu Fio-rentina aṭangin an la lut ve leh ta.

Kum 28-a upa mid-fielder hian kum li leh a chanve cham turin Watford-ah hian contract a ziak a, a man zat erawh puanzar a ni lo. Suarez hian season ṭan dawn khan Fiorentina hi Atletico Madrid aṭangin a zawm a, Serie A club tan hian match 13 a inlan hman.

Spanish club-a kum nga a cham chhungin La Liga, Spanish Cup leh Europa League nomawi-te a chawi hman a ni. Atletico tana a khelh lai hian tuna Watford manager Quique Sanchez Flores enkawlna hnuaiah a khel hman a ni.