Sunderland-in Midfielder thar an nei

Premier League club Sunderland chuan French club Bordeaux aṭangin midfielder Wahbi Khazri an la lut a, Stadium of Light-a kum li leh a chanve cham turin contract a ziak.

Everton leh Aston Villa te nen pawh a sawi zawm hlawh tak midfielder man hi puan-zar ni lo mah se pound maktaduai 8 bawr vel ni tura ngaih a ni.

Sunderland manager Sam Allardyce chuan, "Wahbi hi tlarhma lama player hlauhawm tak, goal khung thei tak a ni a, kan club tana a khel thei tur hi ka lawm hle a ni," tiin Tunisia international an la lut thei chu a lawm thu a sawi.

Black Cats hian kum 24-a upa midfielder hma hian Lamine Kone, Steve Harper, Dame N'Doye leh Jan Kirchhoff-te January transfer-ah an la lut tawh a ni.