AS Monaco hnehtu Angers

French Ligue 1 khelh mekah Paris Saint-Germain chuan point 21 zetin fal takin hmahruai mah se pahnihna din-hmun luah tur erawh a la hriat theih loh.

Inrinni zan khan league table-a pathumna Angers chuan an chung chiaha awm AS Monaco chu 3-0 in an sawp a, team pahnihte inthlauhna hi point hnih chiah a ni ta.

Angers khelmual Stade Jean Bouin-ah cap-tain Cheikh N'Doye chuan goal hnih a khung bakah Mohamed Yattara-a'n goal khat a thawh ve bawk.

Inkhel dangah Lyon chu Bastia lakah si khat faiin an tlawm a, match 23 khelh tawh aṭanga point 30 hmuin table-ah 10-na dinhmun an luah mek.