Norwich-ah Chelsea striker a lut

Chelsea striker Patrick Bamford chuan season tawp thleng loan-a khel turin Norwich City a zawm.

Kum 22-a upa striker hian season chawhma lam kha Crystal Palace-ah loan-in a hun a lo hmang tawh a, Palace tan match kua a inlanah goal a khung lo.

Season hmasaa Championship club Middlesbrough tana goal 17 khungtu striker chuan, "Norwich ka zawm thei hi ka lawm a, inkhelh thuai thuai ka chak tawh a ni," a ti.

Norwich boss Alex Neil chuan, "Player naupang tak, khelmuala inlan duh reng a ni a, kan tlarhma tan chona nasa tak a siam dawn a ni," tiin kum 2015-a Chelsea-a kum thum dang cham tura contract ziaktu a striker thar chungchang a sawi.

Canaries (Norwich sawina) hian January transfer-ah forward Steven Naismith, winger Matt Jarvis, defender pahnih Ivo Pinto leh Timm Klose bakah mid-fielder Ben Godfrey-te an la lut tawh a ni.