Vawiin National Junior C'ship Semifinal-ah Mizoram Vs SAI

50th Junior National Football Championship for BC Roy Trophy-ah Mizoramin group stage-ah champion ngun ber West Bengal an hneh a, vawiin tlai dar 1:30 hian Sports Authority of India nen S.Kartar Singh Bains Memorial Football Stadium, Kheramahilpur-ah semifinal an khel ang.

Mizoram hi an awm-na group-a awm tur Meghalaya leh Karnataka te an inhnuhdawh avang-in West Bengal nen semi-final luh an inchuh. An intawn hmasak zawk-ah Mizoramin K. Roluahpuia leh Lalbiaknia goal hmang^-in 2-0 in West Bengal hi an hneh a, In-rinni khan a vawi hnihna atan inkhel lehin 1-1 in an inhnehtawk.

JCT Sports Com-plex-a inkhelah West Bengal-in minute 17-na lekah goal an khung a, amaherawhchu minute 32-naah K. Roluahpuia'n Mizoram siphurh a sut a, goal dang a luh belh lo. Mizoram hian champion ngun ber West Bengal hi aggregate-in 3-1 in an hneh.

Vawiina Mizoram hma---chhawn tur SAI hian Madhya Pradesh (1-0), Delhi (0-0) leh Goa (1-1) te an hmachhawn a, hneh loh tawng loin semifinal an lut. Mizoram coach Lalremtluanga leh mana-ger Lalchhuanawma Pautu te tan SAI patlang hi hna hautak tak a ni ngei ang.