Match khatnaah Murray a tla

China Open khelh laiah Andy Murray chuan match point vawi thum a hmuh a chhawr ṭangkai thei lo a, a match hmasa bera a hmachhawn Alex de Minaur lakah a chak lo nghal.

Britain tlangval hi Ningani zan khan inlanin Beijing khawpuia inkhel inhnehtawk takah 6-3, 5-7, 7-6 (8-6) in a chak lo zawkah a ṭang a ni.

Set thumna an khelh laiin Murray hian 5-2 in hma a hruai a, a khingpui De Minaur-a service chhuhsak theihna remchang vawi hnih a hmu tel bawk - chak tlang turin a dinhmun a ṭha takzet.

Amaherawhchu, hun pawimawh laiah a che fuh thei tlat lo, ama service ngei pawh a hum loh chang a awm zui a, tie break khelh niin a tawpah a vanduai ta zawk a ni.

Kum 36 mi Murray hian De Minaur hi a hneh hleithei lo, tun hnai an intawn hnuhnung parukah world number 12 De Minaur hi a chak zawk vek - world number 1 hluiin record a nei ṭha lo hle.

Rafael Nadal, Roger Federer leh Novak Djokovic te khan a zawnin Murray hi vawi nga an lo hneh thei tawh a, hetiang ti leh thei hmasa chu De Minaur a ni leh ta chiah.