ADFA II Division - Season Opening: College Veng an champion

Aizawl DFA hnuaia second division season opening final chu nimin khan khelh a ni a, FC College Veng chuan 2-1 a Tuithiang FC hnehin champion nomawi an chawi - Rs. 40,000-in an hausa haw.

Rajiv Gandhi Stadium-a final inkhelah Tuithiangin champion an tum tih pholangin, minute 35-naah Jacob Lalhruaisanga hmangin goal hmahruai an khung a, mahse, Tuithiang an ṭang tlang zo lo.

FC College Veng tan Lalhmangaihpuia chuan minute 42-naah si phurh a rawn sut a, Joseph Lalmuanpuia'n minute 80-naah chakna goal a rawn khung bawk - si phur hmasa zawk College Veng an chak a, an champion.