Mbappe a ngaihtuahawm loh - Enrique

Paris Saint Germain manager Luis Enrique chuan an player ṭha Kylian Mbappe chu a hliam na lo tih a sawi a, a kerek hliam vangin chawl ve deuh mah se ngaihṭhat lohna tur a awm lo tih a sawi.

PSG hian an match hnuhnung berah Marseille an hneh a, he inkhelah hian defender Leonardo Balerdi nen an intihpalh vangin Mbappe hi thlak a ngai a, a kerek vei lam hliam chu a lo nasa lo hlauh.

Enrique chuan, "A lo kir leh thuai dawn, a nihna takah chuan inkhelh chhunzawm pawh kha a hreh lo. Mahse, player-te hi 100% a an dam loh chuan chhawr luih chi an ni lo," tiin a sawi.

PSG hian zanin dar 8:30 hian Ligue 1 match khel turin Clermont Foot an hmachhawn dawn. October thlatir lamah Newcastle United nen Champions League an khel zui dawn, hei vang hian forward Mabppe hi an la chawlhtir rih a nih pawhin a mak lo ang.