East Bengal tan Silva

Inrinni zan Indian Super League inkhelah Cleiton Silva chuan goal hnih a khung a, Hyderabad lakah East Bengal chu 2-1 in hnehna a chanpui - Zirtawpni zan khan NorthEast United chuan 3-0 in Chennaiyin an hneh bawk.

Kolkata khawpuia inkhelah Hyderabad tan Hitesh Sharma chuan minute riatna lekah goal hmahruai a khung a, beiseina an nei sang hman. Mahse, goal an khung aṭanga minute hnih liam hnu lawkah Cleiton Silva chuan si phurh a sut a, injury time-ah chakna goal a khung zui.

East Bengal-in Vanlalpeka Guite kawl mah se, bench lamah a awm tluan a, Hyderabad lamin Lalchhanhima Sailo leh Mark Zothanpuia an luhtir lo. Kolkata club tan Asian Games khel chau Lalchungnunga a la inlan thei lo bawk.

Zirtawpni inkhelah NorthEast United tan Parthib Gogoi, Phalguni Singh leh Asheer Akhtar ten goal khat ṭheuh an khung a, Chennaiyin lamin a chhanletna tur an neih loh avangin khualmualah 3-0 in an tlawm - Highlander-in Rochharzela bench-ah an ṭhut tluantir a, Chennai club-in Mizo player an nei lo thung.