India leh Korea inhnehtawk

Asian Games 2023 neih laia hmeiche inelna huangah India leh South Korea te 1-1 in an inhnehtawk. India tan Lalremsiami Hmar chuan inkhel bul a ṭan a, goal khung theihna remchang nei mah se Korean goalkeeper Kim Eunji chuan a lo dansak hram a ni.

India hian an match hmasa pahnihah Singapore leh Malaysia te an sawp a, anmahni ang bawkin Korea hi vawi hnih chak an ni. Match thum aṭangin vawi hnih ve ve an chak a, goal difference nei ṭha zawk India hi pool A hmahruaitu an ni mek.

October 3, Thawhlehni zing dar 7:45 hian Hong Kong nen an pool match hnuhnung ber an khel dawn a, India hi chak tura rinkai zawk an ni ang. A sang pahnihin semifinal an luh dawn avangin India hi a thiam pali zinga tel turin an dinhmun a ṭha tawk tawh.