Ruahsur vangin inkhel thei lo

Inrinni khan India leh England ten Barsapara, Guwahati-ah World Cup atana inpuahchahna cricket match khelh an tum a, ruahsur vangin ball khat pawh an vawm lo.

October 4, Ningani aṭangin India-ah Cricket World Cup khelh ṭan a ni dawn a, match hmasa berah England leh New Zealand an khel dawn. Inelna hmachhawn turten India ramah warm up match an khel chho mek. September 29, Zirtawpni khan Hyderabad-ah New Zealand-in Pakistan an hneh a, Bangladesh-in Sri Lanka an hneh ve bawk.

September 30, Inrinni khan Australia-in Netherlands an sawp a, vawiin hian England leh Bangaldesh bakah New Zealand leh South Africa te an inkhel ang. October 3, Thawhlehni hian India leh Netherlands ten warm up match an khel leh ang.